UsIslam

button

Just Remember before and After 25 Jan. Revolution


By Ali Adriano



Source: http://almogaz.com/politics/news/2012/05/27/286133





police snipers killing Egyptian protesters during the Egyptian revolution 2011



Comment By Ali Adriano

اللى خايف من الاخوان ( اى حد الا شفيق والفلول ).
*هو الاخوان اللى كانوا بيلموكم تحرى فى اى وقت ويذلوكم فى الاقسام وسجون امن الدوله؟؟.
*هو الاخوان اللى ضيقوا العيشه عليك وعلى اخواتك وخلوك تسافر وتتغرب وتتذل لكفيل ولا صاحب شغل يمرمط فيك؟؟.
*هم الاخوان اللى عودوا موظفين الحكومه على الرشوه والاخد من تحت الترابيزه عشان يمشوا لك مصالحك؟؟.
*هم الاخوان اللى عملوا كل حاجه بطابور(طابور العيش..طابور الانابيب..طابور الوظيفه..طابور الرخص..الكماين واخد اتاوات على المحاور والكبارى؟؟.
*هم اللى قتلوكم فى الميادين؟؟.
* هم اللى عملوا مذابح محمد محمود وبور سعيد والعباسيه؟؟.
*هم اللى غرقوكم فى عبارات وحرقوكم فى قطارات وكنايس وحوادث طريق؟؟.
*هم اللى سرقوكم وخلوا ناس عايشه فى مقابر وعشاوائيات ما يعيش فيها حيوانات علشان يتشروا قصور وشاليهات بره وجوه؟؟.
*هم اللى بيتعينوا وولادهم بملايين وسايبينكم تكملوا الشهر بالعافيه؟؟.
*هم اللى دمروا الزراعه والصناعه وباعوا اراضيكم عشان تعيشوا عبيد للمعنوات الاجنبيه؟؟.
*هم اللى خلوا حتة امين شرطه يركبك ويركب ابوك وهو واقف يهزقك فى اى حته وانت بتقوله معلش ياباشا؟؟.
*هم اللى خلوا جوازاتكم تبوظ وانتوا مش لاقيين من قلة الشغل وضعف المرتبات وارتفاع الاسعار؟؟.
*هم اللى حرقوا خلوا كل حاجه بالواسطه كأنك رايح تشحت منهم وماهواش حقك عليهم؟؟.
*هم اللى خلوا الضرايب اللى تتاخد منك فتونه تدخل صناديق خاصه كلها تتصرف على الحراسات والفسح فى شرم واستضافة اليهود والامريكان؟؟.
*هم اللى نسفوا كل حرف الصعيد وزراعتهم وتجارتهم وعيشوهم على السياحه عشان ما يبقاش فيه منهم اى فايده؟؟.
*هم اللى سابوا الصعيد بلا مرافق ولا حتى ادنى حقوق من ميه او كهربا او غاز او مدارس عدله؟؟.
*هم اللى سابوا العساكر تتضرب على الحدود من غير ديّه واصل فيه معاهدات ومش هانبوظ السلام على نفر ولا حتى كام ميت نفر؟؟.
*هم اللى لما بتدخلوا الجيش بيمرمطوا فيكم تصروفوا على قياداتهم وتتهزقوا ويذلوكم ويحبسوكم ويمنعوا اجازاتهم لو ماكنتوش خدامين ليهم فى الخدمه؟؟؟.
ماتقولوا لنا انتوا طيب ايه اللى عمله الكلب مبارك ومراته وعياله والوزراء وحاشية الذل بتاعته نفعكم بيه ومستنيين تاخدوا منه زياده يمكن انتوا اللى بتفهموا واحنا الجهله؟؟!



Comment By Ahmed Ali Ali



بصوا يا جدعان عايز اقول كلمتين انا واحد مصرى بحب بلدى زيكوافلا هل بلغت اللهم فاشهدا لا انا اخوانى و لا ليبرالى و لا ليه اى اتجاه الا حب ربنا و رسوله و دينى ووطنى و من ساعة الثورة و ربنا يعلم انى بتمنى اكون مع الشهداء اللى راحوا و من ساعة ما رحلوا عنا و احنا اقسمنا يا نحقق اهدافهم يا نموت زيهم و انتوا عارفين اكتر منى العسكر و الخونة و الفاسدين ورونا الويل من اول الثورة و حتى الان و ياما دقت على الر......اس طبول الخلاصة انا انضميت لحملة الدكتور ابو الفتوح و كنت بحب صباحى و اى واحد منهم تمنيته رئيس لكن بصراحة عايز اقول حاجة هما غلطوا غلطة كبيرة جداااا لانهم ما كانش عندهم نكران الذات و ما اتوحدوش كمجلس رئاسى واحد و ادينا دفعنا تمن الانانية المهم انا مش عايز نفضل محبطين لازم نكون عمليين وواقعيين و اقوياء انا شفت الدكتورة منال عمر مع محمود سعد و قالت اللى انا حاسس بيه قالت ان شفيق مرفوض تماما لانه قاتل الثوار و مهرب اموال المخلوع لكن مرسى رغم انه يعانى من انانية سياسية و بيغير كلامه احيانا لكن انا ممكن اوجهه و اتعامل معاه و عايز اقولكوا اخر حاجة الاخوان استوعبوا الدرس و عرفوا اخطائهم و تاكدوا انهم هيرجعوا المعتقلات لو عاد النظام القديم و عايزين يلتحموا مع القوى الثورية لتشكيل حائط ثورى قوى زى يوم جمعة الغضب و خدوا بالكوا ان النظام القديم لو عاد هيقضى الاول على الاخوان و بعدين الثوار و هننتهى واحد ورا التانى دا رايى قدام ربنا افلا هل بلغت اللهم فاشهد.